قدمت بها الفنان طوني حنّا
هَلّ الْقَمَرْ.. أَيَّا قَمَرْ بِيهِلّْ
وْمَا بْتِرْقُص الزَّهْرَاتْ بِالسَّلِّه؟!
عُشْب السَّوَاقِي بِالسَّوَاقِي غَلّْ
لِـمْ نَخِّت الأَنْوَارْ تَا تْمَلِّي
ضَوَّى الْجُردْ.. شَاف الْجُردْ مُحْتَلّْ
بْأَنْغَامْ.. حَدَّا بْتِفْرَح الْقِلِّه
وَدَّى الشّرُوقِي.. سَيْف عِزُّو سَلّْ
وْوَدَّى الْعَتَابَا تْحَرِّر التَّلِّه
إِبْن الأَرزْ.. وَزَّعْ فَرَح عَ الْكلّْ
جَايِي وْجَايِبْ أُوفْ بِتْصَلِّي
أَوْتَارْ صَوْتُو مْدَوْزَنِه بِتْضَلّْ
يَا نَغْمِتُو.. بِقْلُوبْنَا ضَلِّي
وْيَا "حْدَيْ".. دَخْلَكْ كِيفْ بَدّنَا نْمِلّْ
وْشِرْوَالْ جدُّو مْسَيْهَر الشِّلِّه؟
وْكل مَا خَطَرْ عَ بَالْنَا مِنْدِلّْ
صَوْب الْبَحْر.. يَا بْحُورْنَا قِلِّي
وْبِـ هَجِرْ.. خَلاَّ عْقُولْنَا تِنْشَلّْ
كِرْمَالْ عَيْنُو انْقَطْفِت الْفُلِّه
وْطَلُّوا الْحَبَايِبْ.. يَا قَمَرْنَا طِلّْ
انْطَرْنَا سْنِين سْنِينْ هَـ الطَّلِّه.
**
