يوسف رحمة 2

قدّمت بها الفنان يوسف رحمة عام 1991

سَمِّعْني أَجْمَلْ هَيْهاتْ

حِمْلِتْها جْوانِحْ نَسْمِه

مِنْ عِيناتا.. مْن الأَرْزاتْ

مْن بْشَرِّي رْبُوع الْكِلْمِه

حابِبْ إِسْمَعْ غِنِّيَّاتْ

زَرْعِتْ أَمْجاد بْدَمِّي

وْوِعْيِت بِحْرُوفا صَيْحاتْ

بِتْوَعِّي شْعُوب الأُمِّه

مُطْرِبْ.. كِل ما تْقِلّو: هاتْ

بْيِعْطِي وْبِتْفِيض النِّعْمِه

بْتِكْرُجْ عَ شْفافُو سَحْباتْ

بْتِتْمَرْجَحْ فِيها النَّغْمِه

وْحَوْلُو بِتْجِنّ الدَّبْكاتْ

وْيا سَاحَه.. النَّاس اسْتِلْمِي

نِقَّيْت حْرُوف الْكِلْماتْ

تا تْلِيق بْيُوسِف رَحْمِه

**