نعيم نعمة ـ ماري بشارة ـ صباح
شلال فنون
قدّمت بها الفنان السوري نعيم نعمة
صَوْتُو مِنْ أَحْلَى ما يْكُونْ
بْتِشْهَدْ عَ كْلامي النَّغْمِه
مِنْ أُوفُو بْيِسْكَرْ حَسُّونْ
مْعَشْعَشْ بِحْرُوف الْكِلْمِه
جَايينا.. وِالْحَرْب جْنُونْ
وْماتِتْ بِالْقَلبْ الرَّحْمِه
تَا يِزْرَع غصْن الزَّيْتُونْ
وبِالْغُرْبِه تْشَرْقِط نجْمِه
حنْجِرْتُو شلاَّل فْنُونْ
بْتِشْرَبْ مَيَّاتُو النَّسْمِه
تَا تْبَوْرِد قَلبْ الْمَحْزُونْ
وِتْخَفِّفْ تِقْل الْعَتْمِه
لْسُورِيَّا.. الْمَهْجَرْ مَدْيُونْ
هِدْيِتْنا أَكْبَرْ فَنَّانْ
وْقَالِتْلُو: مَحِّي الهجْران
بْصَوْتَكْ يا نَعِيمْ نعْمِه
**
صوت الأرز
قدّمت بها الفنانة ماري بشارة عام 1990
ـ1ـ
الأُوف الْـ ما بْتِمْرُقْ حَدَّا
وْتِتْنَشَّقْ وَرْدِةْ خَدَّا
لا بْعِدَّا مْنِ الْفَنّ وْلاَ
مْنِ بْيُوت الشِّعْر بْعِدَّا
ـ2ـ
فِنّانِه وْصَوْتا تْتَدَلَّى
تا يْغَطِّي الدِّنْيِي كِلاَّ
ماري بْشَارَه صَوْت الأَرْزْ
الْـ دَوْزَنْ أَوْتارُو أَللَّـه
**
صباح
عندما زارتنا في سيدني
شُو بْيِعْملْ صَوْتا فِيِّي؟
بَعْدُو.. بَعْدُو بْدِينَيِّي
عَمْ بِيوَعِّي إِحْسَاسِي
وِيْحَلِّي الْمُرّ بْكاسِي
وْيِشفِي غُرْبِه مَجْرُوحَه
وِيْرِدَّا قْبالي.. هِيِّي
أُسْطُورَه لُبْنانيِّه
بْكِل شْمُوخا الْـ ما بْيِنْقَاسْ
إِلاَّ بِزْغارِيد النَّاسْ
وِبْطَلاَّتْ الصَّبُّوحَه
قدّمت بها الفنان السوري نعيم نعمة
صَوْتُو مِنْ أَحْلَى ما يْكُونْ
بْتِشْهَدْ عَ كْلامي النَّغْمِه
مِنْ أُوفُو بْيِسْكَرْ حَسُّونْ
مْعَشْعَشْ بِحْرُوف الْكِلْمِه
جَايينا.. وِالْحَرْب جْنُونْ
وْماتِتْ بِالْقَلبْ الرَّحْمِه
تَا يِزْرَع غصْن الزَّيْتُونْ
وبِالْغُرْبِه تْشَرْقِط نجْمِه
حنْجِرْتُو شلاَّل فْنُونْ
بْتِشْرَبْ مَيَّاتُو النَّسْمِه
تَا تْبَوْرِد قَلبْ الْمَحْزُونْ
وِتْخَفِّفْ تِقْل الْعَتْمِه
لْسُورِيَّا.. الْمَهْجَرْ مَدْيُونْ
هِدْيِتْنا أَكْبَرْ فَنَّانْ
وْقَالِتْلُو: مَحِّي الهجْران
بْصَوْتَكْ يا نَعِيمْ نعْمِه
**
صوت الأرز
قدّمت بها الفنانة ماري بشارة عام 1990
ـ1ـ
الأُوف الْـ ما بْتِمْرُقْ حَدَّا
وْتِتْنَشَّقْ وَرْدِةْ خَدَّا
لا بْعِدَّا مْنِ الْفَنّ وْلاَ
مْنِ بْيُوت الشِّعْر بْعِدَّا
ـ2ـ
فِنّانِه وْصَوْتا تْتَدَلَّى
تا يْغَطِّي الدِّنْيِي كِلاَّ
ماري بْشَارَه صَوْت الأَرْزْ
الْـ دَوْزَنْ أَوْتارُو أَللَّـه
**
صباح
عندما زارتنا في سيدني
شُو بْيِعْملْ صَوْتا فِيِّي؟
بَعْدُو.. بَعْدُو بْدِينَيِّي
عَمْ بِيوَعِّي إِحْسَاسِي
وِيْحَلِّي الْمُرّ بْكاسِي
وْيِشفِي غُرْبِه مَجْرُوحَه
وِيْرِدَّا قْبالي.. هِيِّي
أُسْطُورَه لُبْنانيِّه
بْكِل شْمُوخا الْـ ما بْيِنْقَاسْ
إِلاَّ بِزْغارِيد النَّاسْ
وِبْطَلاَّتْ الصَّبُّوحَه
**
الصّرخه..
قدّمت بها مسرحيّة (الصرخة) التي ألّفتها وأنتجتها الفنانة نجوى عاصي، وأخرجها الفنان عبّاس مراد، وشارك بها العديد من كبار ممثلي وممثلات المهجر.
ـ1ـ
ضَلِّي اصْرُخِي عَ طُولْ
يَا فِرْقِة الْمَسْرَحْ
فَنِّكْ عُطْر مَحْمُولْ
أَبْعَدْ مِنِ الْمَطْرَحْ
وْصَوْتِكْ وَتَرْ مَجْدُولْ
وِالْكَوْنْ عَمْ يِفْرَحْ!
ـ2ـ
ضَلِّي اصْرُخِي بْهَالْمُغْتَرَبْ
صَرْخَاتْ مَسْمُوعَه
تِكْيِتْ خَجَلْ أَرْض الْعَرَبْ
وِتْبَخّرُوا دْمُوعَا
وْعَ زْنُودْهَا الشَّعْب انْصَلَبْ
وِالشَّعْب مَا بْيُوعَى
ـ3ـ
مْلايِينْ.. خَنْقِتْ حَالْهَا
وْنَهْدَاتْهَا قْنَاطِيرْ
مَاتِتْ.. تَا يِفْضَى بَالْهَا
ارْتَاحِتْ مِنِ التِّعْتِيرْ
حُكَّامْهَا أَرْذَالْهَا
وْقُوَّادْهَا صْرَاصِيرْ!
ـ4ـ
اسْتِسْلامْ بَدُّنْ.. مُشْ سِلِمْ
لا يْفَكّرُوا: مْجَانِينْ!
الْغِيَّابْ فِي عِنْدُنْ عِلِمْ
بِمْعَارِكْ التِّدْجِينْ
وْلَيْش مَشُّوا هَـ الْفِلِمْ
بِـ شَرِقْنَا الْمِسْكِينْ
ـ5ـ
وِالْجَالْيِه.. عَ مْصَابْهَا
مَا بْيِحْسِدَا إِنْسَانْ
شعْلِةْ وَفَا غِيَّابْهَا
لَوْ يِتْرِكَا "الشَّيْطَانْ"
بْيِحْقُنْ ضَيَاعْ شْبَابْهَا
بِـ إِبْرِة الأَحْزَانْ!
ـ6ـ
وْمِنْشَانْ تَا يْجَمِّعْ دَهَبْ
بْيِسْرُق عْمَار عْمَارْ
أَطْفَالْ أَحْلَى مْنِ اللُّعَبْ
بَعْدُنْ مَا شَافُوا نْهَارْ
بِيجِرُّنْ بْدَرْب الْغَضبْ
وْبِيبِيعُنْ بْدُولارْ!
ـ7ـ
وْنِحْنَا عَ طَاوِلْة الشَّرَفْ
مْنِقْعُد.. وْمِنْصِيرْ
نْقِلُّو: يَا بَيْك الْمُنْعَرَفْ
يَا كْبِيرْ إِبْن كْبِيرْ
حْكَايَاتْ بِتْخَلِّي الْقَرَفْ
يِقْضِي عَ نَاس كْتِيرْ!
ـ8ـ
نَجْوَى.. الأَدِيبِه اللاَّمْعَه
بِالدَّمّ كَتْبِتْهَا
قِصَّه حَزِينِه دَامْعَه
بْتِحْرُق نْهَايِتْهَا
ما فِي خَلِيقَه سَامْعَه
صَرْخَه عَ صَرْخِتْهَا!
ـ9ـ
عبّاسْ.. زَوْزَقْهَا بْأَلَـمْ
عَ شْفَافْ خَبْرِيِّه
وْخَلاَّ عَ خَشْبِتْهَا النَّدَمْ
يِصْرُخْ بِحِنِّيِّه
وْرِيمَا.. تْغَنِّيلُو نَغَمْ
وِتْجِنّ سَهْرِيِّه
ـ10ـ
وْرَئِيفْ.. يِرْسِمْلاَ صُوَرْ
وِيْمَثِّل الأَدْوَارْ
وْلُورَا.. تْقِلُّو لِلْقَمَرْ:
رَحْ خَبّرَكْ شُو صَارْ
قِصَّه حْرُوفَا مِنْ دُرَرْ
وِمْمَثّلِينَا كْبَارْ
ـ11ـ
فِيهَا مْحَمَّدْ مَعْ حَسَنْ
وْفِيهَا بَشِير كْمَانْ
وْصَادِقْ.. بِتِمْثِيلُو انْعَجَنْ
مَعْ نَايِفْ الإِنْسَانْ
طَلاَّتْ بِتْخَلِّي الزَّمَنْ
يِتْجَسَّد بْفَنَّانْ
ـ12ـ
وْدَانِي وْنَغَمْ.. مِينْ دَوْزَنُنْ
أَلْحَانْ عَمْ تِحْكِي
وْصَفَّى بْمَحَبِّه يُوزِنُنْ
مَعْ أُنْجِيلاَ حْرَيْكِه
وْخَلاَّ الْفِرْقَه تِحْضُنُنْ
وِتْشَرْقِط الضِّحْكِه؟!
ـ13ـ
ضَلِّي اصْرُخِي.. ما أَشْرَفِكْ
بِتْبَشّرِي بِالْخَيْرْ
دَرْبِكْ طَوِيلِه.. بَعِرْفِكْ
رْهَنْتِي الْعُمرْ لِلْغَيْرْ
نَجْوَى.. يَا نَجْوَى بْحَلّفِكْ
مَسْرَحِكْ خَشْبِةْ صَلاّ
إِنْتِي تْرِهَّبْتِي إِلاَ
لا تِتْرُكِي هَـ الدَّيْرْ
**
قدّمت بها مسرحيّة (الصرخة) التي ألّفتها وأنتجتها الفنانة نجوى عاصي، وأخرجها الفنان عبّاس مراد، وشارك بها العديد من كبار ممثلي وممثلات المهجر.
ـ1ـ
ضَلِّي اصْرُخِي عَ طُولْ
يَا فِرْقِة الْمَسْرَحْ
فَنِّكْ عُطْر مَحْمُولْ
أَبْعَدْ مِنِ الْمَطْرَحْ
وْصَوْتِكْ وَتَرْ مَجْدُولْ
وِالْكَوْنْ عَمْ يِفْرَحْ!
ـ2ـ
ضَلِّي اصْرُخِي بْهَالْمُغْتَرَبْ
صَرْخَاتْ مَسْمُوعَه
تِكْيِتْ خَجَلْ أَرْض الْعَرَبْ
وِتْبَخّرُوا دْمُوعَا
وْعَ زْنُودْهَا الشَّعْب انْصَلَبْ
وِالشَّعْب مَا بْيُوعَى
ـ3ـ
مْلايِينْ.. خَنْقِتْ حَالْهَا
وْنَهْدَاتْهَا قْنَاطِيرْ
مَاتِتْ.. تَا يِفْضَى بَالْهَا
ارْتَاحِتْ مِنِ التِّعْتِيرْ
حُكَّامْهَا أَرْذَالْهَا
وْقُوَّادْهَا صْرَاصِيرْ!
ـ4ـ
اسْتِسْلامْ بَدُّنْ.. مُشْ سِلِمْ
لا يْفَكّرُوا: مْجَانِينْ!
الْغِيَّابْ فِي عِنْدُنْ عِلِمْ
بِمْعَارِكْ التِّدْجِينْ
وْلَيْش مَشُّوا هَـ الْفِلِمْ
بِـ شَرِقْنَا الْمِسْكِينْ
ـ5ـ
وِالْجَالْيِه.. عَ مْصَابْهَا
مَا بْيِحْسِدَا إِنْسَانْ
شعْلِةْ وَفَا غِيَّابْهَا
لَوْ يِتْرِكَا "الشَّيْطَانْ"
بْيِحْقُنْ ضَيَاعْ شْبَابْهَا
بِـ إِبْرِة الأَحْزَانْ!
ـ6ـ
وْمِنْشَانْ تَا يْجَمِّعْ دَهَبْ
بْيِسْرُق عْمَار عْمَارْ
أَطْفَالْ أَحْلَى مْنِ اللُّعَبْ
بَعْدُنْ مَا شَافُوا نْهَارْ
بِيجِرُّنْ بْدَرْب الْغَضبْ
وْبِيبِيعُنْ بْدُولارْ!
ـ7ـ
وْنِحْنَا عَ طَاوِلْة الشَّرَفْ
مْنِقْعُد.. وْمِنْصِيرْ
نْقِلُّو: يَا بَيْك الْمُنْعَرَفْ
يَا كْبِيرْ إِبْن كْبِيرْ
حْكَايَاتْ بِتْخَلِّي الْقَرَفْ
يِقْضِي عَ نَاس كْتِيرْ!
ـ8ـ
نَجْوَى.. الأَدِيبِه اللاَّمْعَه
بِالدَّمّ كَتْبِتْهَا
قِصَّه حَزِينِه دَامْعَه
بْتِحْرُق نْهَايِتْهَا
ما فِي خَلِيقَه سَامْعَه
صَرْخَه عَ صَرْخِتْهَا!
ـ9ـ
عبّاسْ.. زَوْزَقْهَا بْأَلَـمْ
عَ شْفَافْ خَبْرِيِّه
وْخَلاَّ عَ خَشْبِتْهَا النَّدَمْ
يِصْرُخْ بِحِنِّيِّه
وْرِيمَا.. تْغَنِّيلُو نَغَمْ
وِتْجِنّ سَهْرِيِّه
ـ10ـ
وْرَئِيفْ.. يِرْسِمْلاَ صُوَرْ
وِيْمَثِّل الأَدْوَارْ
وْلُورَا.. تْقِلُّو لِلْقَمَرْ:
رَحْ خَبّرَكْ شُو صَارْ
قِصَّه حْرُوفَا مِنْ دُرَرْ
وِمْمَثّلِينَا كْبَارْ
ـ11ـ
فِيهَا مْحَمَّدْ مَعْ حَسَنْ
وْفِيهَا بَشِير كْمَانْ
وْصَادِقْ.. بِتِمْثِيلُو انْعَجَنْ
مَعْ نَايِفْ الإِنْسَانْ
طَلاَّتْ بِتْخَلِّي الزَّمَنْ
يِتْجَسَّد بْفَنَّانْ
ـ12ـ
وْدَانِي وْنَغَمْ.. مِينْ دَوْزَنُنْ
أَلْحَانْ عَمْ تِحْكِي
وْصَفَّى بْمَحَبِّه يُوزِنُنْ
مَعْ أُنْجِيلاَ حْرَيْكِه
وْخَلاَّ الْفِرْقَه تِحْضُنُنْ
وِتْشَرْقِط الضِّحْكِه؟!
ـ13ـ
ضَلِّي اصْرُخِي.. ما أَشْرَفِكْ
بِتْبَشّرِي بِالْخَيْرْ
دَرْبِكْ طَوِيلِه.. بَعِرْفِكْ
رْهَنْتِي الْعُمرْ لِلْغَيْرْ
نَجْوَى.. يَا نَجْوَى بْحَلّفِكْ
مَسْرَحِكْ خَشْبِةْ صَلاّ
إِنْتِي تْرِهَّبْتِي إِلاَ
لا تِتْرُكِي هَـ الدَّيْرْ
**
طفله زغيره
قدّمت بها الفنّانة ريما الياس عام 1990.
طفْلِه زْغِيرِه وْفَنّها ما لُو قْياسْ
انْغَرْمِتْ بِطَلّتْها قْلُوب النَّاسْ
انْ صَرْخِتْ الأوفْ.. الْكَوْن بِيغَنِّي
عَ قَدّ ما فِي بْصَوتْها إِحْساسْ
بْتِضْحَك الْكِلْمِه، بْتِرْقُص الرَّنِّه
عَ شْفَافْ.. مُشْ مَسْمِحِلْها تِنْباسْ!
وِحْمَامْ هَاك الدَّارْ مِسْتَنِّي
تْرِدُّو عَ أَرْضُو الْـ عِزّْها مِنْداسْ
الْـ لِعْبِتْ بِأَعْصابَا أَلفْ أَنِّه
الْـ دَعْسِتْ عَ رَقْبِتْها جْناس جْناسْ
وْلَوْ يِسْأَلُوها: شُو بْتِتْمِنِّي
وْعَمْ يِحْصُد بْشَعْبِكْ غَدرْ يُوضاسْ؟
بِتْقُولْ: شَعْبِي يْعِيشْ مِتْهَنِّي
يْطَفِّي الْحُزنْ وِيْنَوِّر الأَعْراسْ
بْيِكْفِي الْوَطَنْ عَنِّه وَرَا عَنِّه
لُبْنانْ مَعْهَد عِلْم.. مُشْ مِتْراسْ!
غَنِّتْ "يا جدِّي" سِمْعِت الْجَنِّه
وَحَبْسُوا مْلايِكْة السَّما الأَنْفاسْ
وَقالُوا: يا أَللَّـه.. قِلّْهَا: تَنِّي
إِنْت الْـ وَهَبْتَا حُنْجرةْ إِلْماسْ
شَهْقِتْ "يا أُمِّي" الْحاضْنِه فَنِّي
بِوْجُودِكْ زْهُوري صَعبْ تِيباسْ
ما بْرِيدْ إِنِّكْ تِبعدي عَنِّي
مِنْ دُونْ حَلاكِي مُرّ طَعْم الْكاسْ
إِنْتي وْبَيِّي وْجالْيِه.. مِنِّي
خْلِقْتُوا رَمْز لِلطّفلْ بِالْهُجْرانْ
تا تْمَثِّل الأَوْطانْ رِيما الْيَاسْ
**
قدّمت بها الفنّانة ريما الياس عام 1990.
طفْلِه زْغِيرِه وْفَنّها ما لُو قْياسْ
انْغَرْمِتْ بِطَلّتْها قْلُوب النَّاسْ
انْ صَرْخِتْ الأوفْ.. الْكَوْن بِيغَنِّي
عَ قَدّ ما فِي بْصَوتْها إِحْساسْ
بْتِضْحَك الْكِلْمِه، بْتِرْقُص الرَّنِّه
عَ شْفَافْ.. مُشْ مَسْمِحِلْها تِنْباسْ!
وِحْمَامْ هَاك الدَّارْ مِسْتَنِّي
تْرِدُّو عَ أَرْضُو الْـ عِزّْها مِنْداسْ
الْـ لِعْبِتْ بِأَعْصابَا أَلفْ أَنِّه
الْـ دَعْسِتْ عَ رَقْبِتْها جْناس جْناسْ
وْلَوْ يِسْأَلُوها: شُو بْتِتْمِنِّي
وْعَمْ يِحْصُد بْشَعْبِكْ غَدرْ يُوضاسْ؟
بِتْقُولْ: شَعْبِي يْعِيشْ مِتْهَنِّي
يْطَفِّي الْحُزنْ وِيْنَوِّر الأَعْراسْ
بْيِكْفِي الْوَطَنْ عَنِّه وَرَا عَنِّه
لُبْنانْ مَعْهَد عِلْم.. مُشْ مِتْراسْ!
غَنِّتْ "يا جدِّي" سِمْعِت الْجَنِّه
وَحَبْسُوا مْلايِكْة السَّما الأَنْفاسْ
وَقالُوا: يا أَللَّـه.. قِلّْهَا: تَنِّي
إِنْت الْـ وَهَبْتَا حُنْجرةْ إِلْماسْ
شَهْقِتْ "يا أُمِّي" الْحاضْنِه فَنِّي
بِوْجُودِكْ زْهُوري صَعبْ تِيباسْ
ما بْرِيدْ إِنِّكْ تِبعدي عَنِّي
مِنْ دُونْ حَلاكِي مُرّ طَعْم الْكاسْ
إِنْتي وْبَيِّي وْجالْيِه.. مِنِّي
خْلِقْتُوا رَمْز لِلطّفلْ بِالْهُجْرانْ
تا تْمَثِّل الأَوْطانْ رِيما الْيَاسْ
**
عتمات الهجر
قدّمت بها الفنانة ريما الياس، وكان عمرها يومذاك تسع سنوات.
جايِي مِنْ عَتْمات الْهَجْرْ
تْمَحِّي الْغَصَّه بْعَتْمِتْنا
جايِي مِنْ نيرانْ الْقَهْرْ
تِطْفِي النَّار الْـ حَرْقِتْنا
مِشْيِتْ فَوْق جْنُون الْجَمْرْ
وْزَرْعِتْ أُوفْ بْأَنِّتْنا
وْغَزْلِتْ مِنْ خِيطانْ الْفَجْرْ
مَشْلَح نُور وْغَطِّتْنا
نَدْرِتْنا.. وْتا تُوفِي النّدْرْ
غْناني الْفَرْحَه غَنِّتْنَا
وْتا تْهَنِّينَا كلّ الْعُمْرْ
طْفُولِةْ عُمْرا هِدْيِتْنا
طَلِّتْها.. طَلاّت الْبَدْرْ
الْـ زَوْزَقْ صَفْحِةْ سَهْرِتْنا
وْضِحْكِتْها.. باقات الزَّهْرْ
الْـ فِرْحِتْ فِيها سَلِّتْنا
رَحْ حَوِّشْ مِنْ طُهْرَا طُهْرْ
وْضَوِّي الْفَنّ بْغُرْبِتْنا
بْيِكْبَرْ جِيلْ.. بْيِعْتَقْ دَهْرْ
وْفِيها بْتِحْلَى كِلْمِتْنا
وِبْتِغْلَى أَبْيات الشِّعْرْ
اللِّي انْكَتْبِتْ لِخْدُودا السِّمْرْ
رِيما الْحلْوِه.. طفْلِتْنا
**
رابِع شريط
قدّمت بها الطفلة ريما الياس يوم أصدرت شريطها الغنائي الرابع (الحُبّ جَنَّه).
كِيفْ بَدِّي كِيفْ حاكِيها
وِبْكمْ كِلْمِه قَدِّما لِلنَّاسْ؟
تِمّ الدِّني رَنْدَحْ أَغانيها
وْعَ وْتارْ صَوْتا تْمَرْجَحْ الإلْمَاسْ
كِيفْ بَدِّي كِيفْ إِهْدِيهَا
أَبْياتْ شِعْر مْدَوْزَنِه بْإِحْساسْ
وْكِلّ الْقَصِيدِه عايْشِ فِيهَا
وِالْمَوْهَبِه شَطْحاتْ ما لْها قْياسْ
جايِي بْهَـ السَّهْرَه تا هَنِّيها
صَارِتْ صَبِيِّه وِالشَّرَفْ نِبْراسْ
بَيَّا الْوَفِي زَوْزَقْ لَيالِيهَا
وِالأُمّ غَزْلِتْلا الْمَحَبِّه لْباسْ
عَ شْفافْ سِتَّا صَفّ آوِيها
وْعَ شْفافْنا نِحْنا رَنِين الْكاسْ
دَقَّاتْ قَلْبَا صَعْب تِخْفِيهَا
(الْحُبّ جَنّه) وِالْقُلُوب جْناسْ
رَابِع شَريطْ.. الرَّبّ يِحْمِيهَا
هِيِّي اللِّي رَدِّتْ عِزّ ماضِيهَا
وْهِيِّي اللِّي إِسْما بَسّ.. رِيما الْيَاسْ
**
صارت صبيّه
حفلة الفنانة ريما الياس، 1993
صَارِتْ صَبِيِّه.. طْلُوبْ وِتْمَنَّى
يا قَلبْ.. أَوْسَعْ مِنْ دِني فَنَّا
رِبْيِتْ عَ دَيِّي، فْرحْت فِيها كْتِيرْ
شِفتْ فِيها الْمَجدْ مِتْكَنَّى
سْمِعتْ مِنَّا الأُوفْ عَمّ بِتْطِيرْ
مْفَرّمِه.. كِلْ ما وَقَعْ سِنَّا
سْمِعْتا بْتِلْدُغْ مِتل الِعْصَافِيرْ
الضَّادْ حَرْف بْلَفظْها تْهَنَّا
كِرْمالْ عَيْنا نِفْرُش مْشَاوِيرْ
وْعَ دْرُوبْ صَوْتا.. الْفَنّ نِسْتَنَّى
غَنِّتْ (يا جدّي).. صَاحْ زَلْمِي كْبيرْ
يا تِسْلَمِيلِي.. وْبَسّ، ما تَنَّى
غَنِّتْ (يا أُمِّي).. رَسْمِتْ تْصَاويرْ
لِعْيُونْ بِالدَّمعاتْ تِتْحَنَّى
وْبِجْنُوبْنا الْمَجْبُول بِالتّعْتيرْ
تْبَنِّتْ قَضِيِّه، الْكَوْن ما تْبَنَّى
وِالْيَوْم، دَقِّةْ قَلبْها قْناطِيرْ
صَارِت تْحِبّ.. وْ(حُبّها جَنَّه)..
كِيف مِتْلا.. كِيفْ بَدُّو يْصِيرْ
لا هَوْن، لا بْلُبْنانْ، لا بِالشَّرْقْ
مِتلْ (ريما الْيَاسْ) ما عِنَّا
**
أطفال
قدمت بها الطفلة ريما الياس عام 1991
كل ما تْغَنِّيلُنْ موَّالْ
بْتِرْكَعْ.. بِتْصَلِّي لِلرَّبّ
حِلْفِتْ بِتْلِمِّلُّنْ مالْ
بْتِتْحَفَّى وِبْتِمْشِي الدَّربْ
قْلال كْتارْ.. كْتار قْلالْ
ما هَمَّا.. الْـ بِيهِمَّا الْحُبّ
بْسَهْرِتْها اجْتَمْعِت الِعْيالْ
وِقْفُوا الْغُرْب بْجَنْب الْقُرْبْ
قَاماتُنْ صَعْبِه تِنْطالْ
شُهْب وْعَمْ بِتْشَرْقِطْ شُهبْ
يا طفْلِه رَقْصِتْلا جْبالْ
وْمِتْل الأَرْزِه عَم بِتْشِبّ
يا حلْوِه سَكْنِتْ بِالْبالْ
يا شَمْس وْشرْقِت بِالْغَربْ
دَخْلِكْ غَنِّي لْهَـ الأَطْفالْ
مِينْ غَيْرِك يا ريما الْياسْ
قَادِرْ يِحْمِلْهُنْ بِالْقَلبْ
**
لورا..
قدّمت بها الفنانة لورا حاتـم في إحدى الحفلات.
ـ1ـ
سَابِحْ صَوْتِكْ فَوْق الْمَوْجْ
الْـ عَمْ بِيضِجّ بْبَحْر الْغُرْبِه
وْكِل ما الْغُرْبِه تْوَدِّي فَوْجْ
بْيَقْوَى الصَّوْت.. بْتِحْلَى اللِّعْبِه
وْبِتْصَفِّي الْمَوْجَات الْهُوْجْ
تِغْسِل هَـ الْغَبْرَه عَنْ قَلْبِي
ـ2ـ
غْنَانِيكِي.. طَلْبِه مَسْمُوعَه
رَفْعِتْ بِالتَّقْوَى أَعْلامِكْ
وْفَرْشِتْ نَغْمَاتِكْ عَ رْبُوعَا
وْزَرْعِتْ أَبْيَاتَا بْأَحْلامِكْ
يَا لُورَا.. الْغُرْبِه الْـ مَا بْتُوعَى
صَارِتْ عَمْ تِرْقُصْ قِدَّامِكْ
ـ3ـ
مْبَارَكْ هَـ الْمَوَّالْ الطَّالِعْ
مِتْل الْمَارِدْ مِنْ حُنْجِرْتِكْ
سَحْبَاتُو وِاللَّحْن الرَّائِعْ
خَلِّتْنَا نْشِيد بْمَقْدِرْتِكْ
انْقَصِّتْ كِلْمَاتُو مْنِ مْقَالِعْ
سَكْبِتْ بَخُّورَا بْمَبْخِرْتِكْ
ـ4ـ
خَلِّينَا نْعِيش وْنِتْمَتَّعْ
بِالأُوف الْـ غَامِرْتُو حْكَايِه
جْنُون الْفَرْحَه!!.. لَمَّا مْنِسْمَعْ
صَوْتِكْ فَوْق النَّسْمِه جَايِي
يِصْرُخْ فِينَا: "بَدِّي إِرْجَعْ"
وِيْفَرْفِطْ غُرْبِه مْصِدَّايِه.
قدّمت بها الفنانة ريما الياس، وكان عمرها يومذاك تسع سنوات.
جايِي مِنْ عَتْمات الْهَجْرْ
تْمَحِّي الْغَصَّه بْعَتْمِتْنا
جايِي مِنْ نيرانْ الْقَهْرْ
تِطْفِي النَّار الْـ حَرْقِتْنا
مِشْيِتْ فَوْق جْنُون الْجَمْرْ
وْزَرْعِتْ أُوفْ بْأَنِّتْنا
وْغَزْلِتْ مِنْ خِيطانْ الْفَجْرْ
مَشْلَح نُور وْغَطِّتْنا
نَدْرِتْنا.. وْتا تُوفِي النّدْرْ
غْناني الْفَرْحَه غَنِّتْنَا
وْتا تْهَنِّينَا كلّ الْعُمْرْ
طْفُولِةْ عُمْرا هِدْيِتْنا
طَلِّتْها.. طَلاّت الْبَدْرْ
الْـ زَوْزَقْ صَفْحِةْ سَهْرِتْنا
وْضِحْكِتْها.. باقات الزَّهْرْ
الْـ فِرْحِتْ فِيها سَلِّتْنا
رَحْ حَوِّشْ مِنْ طُهْرَا طُهْرْ
وْضَوِّي الْفَنّ بْغُرْبِتْنا
بْيِكْبَرْ جِيلْ.. بْيِعْتَقْ دَهْرْ
وْفِيها بْتِحْلَى كِلْمِتْنا
وِبْتِغْلَى أَبْيات الشِّعْرْ
اللِّي انْكَتْبِتْ لِخْدُودا السِّمْرْ
رِيما الْحلْوِه.. طفْلِتْنا
**
رابِع شريط
قدّمت بها الطفلة ريما الياس يوم أصدرت شريطها الغنائي الرابع (الحُبّ جَنَّه).
كِيفْ بَدِّي كِيفْ حاكِيها
وِبْكمْ كِلْمِه قَدِّما لِلنَّاسْ؟
تِمّ الدِّني رَنْدَحْ أَغانيها
وْعَ وْتارْ صَوْتا تْمَرْجَحْ الإلْمَاسْ
كِيفْ بَدِّي كِيفْ إِهْدِيهَا
أَبْياتْ شِعْر مْدَوْزَنِه بْإِحْساسْ
وْكِلّ الْقَصِيدِه عايْشِ فِيهَا
وِالْمَوْهَبِه شَطْحاتْ ما لْها قْياسْ
جايِي بْهَـ السَّهْرَه تا هَنِّيها
صَارِتْ صَبِيِّه وِالشَّرَفْ نِبْراسْ
بَيَّا الْوَفِي زَوْزَقْ لَيالِيهَا
وِالأُمّ غَزْلِتْلا الْمَحَبِّه لْباسْ
عَ شْفافْ سِتَّا صَفّ آوِيها
وْعَ شْفافْنا نِحْنا رَنِين الْكاسْ
دَقَّاتْ قَلْبَا صَعْب تِخْفِيهَا
(الْحُبّ جَنّه) وِالْقُلُوب جْناسْ
رَابِع شَريطْ.. الرَّبّ يِحْمِيهَا
هِيِّي اللِّي رَدِّتْ عِزّ ماضِيهَا
وْهِيِّي اللِّي إِسْما بَسّ.. رِيما الْيَاسْ
**
صارت صبيّه
حفلة الفنانة ريما الياس، 1993
صَارِتْ صَبِيِّه.. طْلُوبْ وِتْمَنَّى
يا قَلبْ.. أَوْسَعْ مِنْ دِني فَنَّا
رِبْيِتْ عَ دَيِّي، فْرحْت فِيها كْتِيرْ
شِفتْ فِيها الْمَجدْ مِتْكَنَّى
سْمِعتْ مِنَّا الأُوفْ عَمّ بِتْطِيرْ
مْفَرّمِه.. كِلْ ما وَقَعْ سِنَّا
سْمِعْتا بْتِلْدُغْ مِتل الِعْصَافِيرْ
الضَّادْ حَرْف بْلَفظْها تْهَنَّا
كِرْمالْ عَيْنا نِفْرُش مْشَاوِيرْ
وْعَ دْرُوبْ صَوْتا.. الْفَنّ نِسْتَنَّى
غَنِّتْ (يا جدّي).. صَاحْ زَلْمِي كْبيرْ
يا تِسْلَمِيلِي.. وْبَسّ، ما تَنَّى
غَنِّتْ (يا أُمِّي).. رَسْمِتْ تْصَاويرْ
لِعْيُونْ بِالدَّمعاتْ تِتْحَنَّى
وْبِجْنُوبْنا الْمَجْبُول بِالتّعْتيرْ
تْبَنِّتْ قَضِيِّه، الْكَوْن ما تْبَنَّى
وِالْيَوْم، دَقِّةْ قَلبْها قْناطِيرْ
صَارِت تْحِبّ.. وْ(حُبّها جَنَّه)..
كِيف مِتْلا.. كِيفْ بَدُّو يْصِيرْ
لا هَوْن، لا بْلُبْنانْ، لا بِالشَّرْقْ
مِتلْ (ريما الْيَاسْ) ما عِنَّا
**
أطفال
قدمت بها الطفلة ريما الياس عام 1991
كل ما تْغَنِّيلُنْ موَّالْ
بْتِرْكَعْ.. بِتْصَلِّي لِلرَّبّ
حِلْفِتْ بِتْلِمِّلُّنْ مالْ
بْتِتْحَفَّى وِبْتِمْشِي الدَّربْ
قْلال كْتارْ.. كْتار قْلالْ
ما هَمَّا.. الْـ بِيهِمَّا الْحُبّ
بْسَهْرِتْها اجْتَمْعِت الِعْيالْ
وِقْفُوا الْغُرْب بْجَنْب الْقُرْبْ
قَاماتُنْ صَعْبِه تِنْطالْ
شُهْب وْعَمْ بِتْشَرْقِطْ شُهبْ
يا طفْلِه رَقْصِتْلا جْبالْ
وْمِتْل الأَرْزِه عَم بِتْشِبّ
يا حلْوِه سَكْنِتْ بِالْبالْ
يا شَمْس وْشرْقِت بِالْغَربْ
دَخْلِكْ غَنِّي لْهَـ الأَطْفالْ
مِينْ غَيْرِك يا ريما الْياسْ
قَادِرْ يِحْمِلْهُنْ بِالْقَلبْ
**
لورا..
قدّمت بها الفنانة لورا حاتـم في إحدى الحفلات.
ـ1ـ
سَابِحْ صَوْتِكْ فَوْق الْمَوْجْ
الْـ عَمْ بِيضِجّ بْبَحْر الْغُرْبِه
وْكِل ما الْغُرْبِه تْوَدِّي فَوْجْ
بْيَقْوَى الصَّوْت.. بْتِحْلَى اللِّعْبِه
وْبِتْصَفِّي الْمَوْجَات الْهُوْجْ
تِغْسِل هَـ الْغَبْرَه عَنْ قَلْبِي
ـ2ـ
غْنَانِيكِي.. طَلْبِه مَسْمُوعَه
رَفْعِتْ بِالتَّقْوَى أَعْلامِكْ
وْفَرْشِتْ نَغْمَاتِكْ عَ رْبُوعَا
وْزَرْعِتْ أَبْيَاتَا بْأَحْلامِكْ
يَا لُورَا.. الْغُرْبِه الْـ مَا بْتُوعَى
صَارِتْ عَمْ تِرْقُصْ قِدَّامِكْ
ـ3ـ
مْبَارَكْ هَـ الْمَوَّالْ الطَّالِعْ
مِتْل الْمَارِدْ مِنْ حُنْجِرْتِكْ
سَحْبَاتُو وِاللَّحْن الرَّائِعْ
خَلِّتْنَا نْشِيد بْمَقْدِرْتِكْ
انْقَصِّتْ كِلْمَاتُو مْنِ مْقَالِعْ
سَكْبِتْ بَخُّورَا بْمَبْخِرْتِكْ
ـ4ـ
خَلِّينَا نْعِيش وْنِتْمَتَّعْ
بِالأُوف الْـ غَامِرْتُو حْكَايِه
جْنُون الْفَرْحَه!!.. لَمَّا مْنِسْمَعْ
صَوْتِكْ فَوْق النَّسْمِه جَايِي
يِصْرُخْ فِينَا: "بَدِّي إِرْجَعْ"
وِيْفَرْفِطْ غُرْبِه مْصِدَّايِه.
