وسيم طبارة ـ فيروز ـ رفيق حبيقة ـ داليدا رحمة

ضحكة هدّارة
قدّمت بها الفنان وسيم طبّارَة
مِتْلُو ما بْيِخْلَقْ فِنَّانْ
عِنْدُو خِفِّه وْشَطارَه
بْيِزْرَع نكْتِه وَيْن ما كانْ
بْيِقْطُفْ ضِحْكِه هدَّارَه
تا يْبَلْسِم قَلْب الإِنْسانْ
الْـ صَفَّى بْهَـ الْحَرْب تْجارَه
مِنْ حَدّ الأَرْزِه بْلُبْنانْ
مِنْ كِل تْرابات الأَرْضْ
جايِي وَسِيم طِبَّارَه
**
فيروز
عندما زارتنا سفيرتنا إلى النجوم
بِيجُوزْ إِحْلمْ بِالْهَنَا.. وْبِيجُوزْ
جَمِّعْ بِهَـ الْغُرْبِه كْنُوز كْنُوزْ
وْبِيجُوزْ إِنِّي إِرْسُم خْيالِي
وْعَلِّمْ الأَطْيَارْ مَوَّالِي
بَسّ.. ما بِيجُوزْ يا غَالِي
إِبْقَى بْجَرِّةْ إِغْتِرابِي كُوزْ
وْما رُوحْ إِتْسَمّعْ عَلَى فَيْرُوزْ
**
رفيق حبيقة

ألقيتها في إحدى الحفلات ترحيباً بالفنان رفيق حبيقة
ـ1ـ
رَفِيقْ حْبَيْقَه الْفَنَّانْ
خَلاّنِي إِسْأَلْ حَيْرانْ
كِيف بْيِقْدرْ بِالنَّغْماتْ
يْفَبْرِكْ لَحْن وْغِنِّيَّاتْ
بِتْنَسِّينَا كِل شِي كانْ
وْبِتْرَجِّعْنا عَ الأَوْطانْ
**

داليدا رحمة

في إحدى الحفلات

قَالُوا: دَالِيدَا.. قلْت: وِحْيَاتَا
وِحْيَاةْ صَوْتا وْسِحْر غَمْزاتَا
وَقْت اللِّي بِرْجَعْ عَ الْوَطَنْ لُبْنانْ
رَحْ نِخّ بُوسْ تْرابْ عِيناتا
**

اقلب الصفحة من فضلك