عايدة شلهوب ـ جوليا بطرس
آخ.. يا بلادي
ألقيت عام 1989، عندما زارت الفنانة عايدة شلهوب سيدني ـ أستراليا.
لِمِّنْ بِـ شَمْس الْحَقّْ شَكُّوا غْرُوبْ
وِتْشَرّدُوا الأَحْبَابْ فَوْق دْرُوبْ
صَار الْفَرَحْ يِتْأَخَّر زْيَادِه
وِالْجُوعْ يِعْزُفْ عَ وْتَار شْعُوبْ
وْفَلاَّحْ حِمْلِ الْمَجْدْ زُوَّادِه
صَفَّى عَ خَشْبَات الْحِقدْ مَصْلُوبْ
وْإِمَّاتْ سَحْبِةْ عُمْر بِتْنَادِي
وْصَرْخَاتْهُنْ آهَاتْ عَمْ بِتْدُوبْ:
كِرْمَالْ مِينْ اسْتَشْهَدُوا وْلادِي
وِلْوَيْن بَدّْهَا تْجِرّنَا الِحْرُوبْ؟
زمْرِةْ نَهبْ.. لِلشَّرْ رِدَّادِه
شْيَاطِينْ.. مُشْ مُمْكِنْ يَا أَللَّـه تْتُوبْ
نِحْنَا اشْتَقْنَا لْجَامِع عْبَادِه
وِلْدَيْرْ.. يِحْمُوا طْفَالْنَا مْنِ ذْنُوبْ
حكَّامْ.. سَمِّتْ مَوتْنَا "شْهَادِه"!!
وْنَظْمِتْ قَصَايِدْ مَا بْتِشْفِي قْلُوبْ
اشْتَقْنَا.. يَا أَللَّـه.. لْنَارْ وِقَّادِه
تحْرُقْ زَعَامِه عْقُولْهَا بِجْيُوبْ
اشتْقَنَا نْغَنِّي بَيْت قِرَّادِي
وْدَمْع الْكَرمْ بِـ كَاسْنَا مَسْكُوبْ
اشْتَقْنَا.. اشْتَقْنَا.. آخْ يَا بْلاَدِي
نِرْجَعْ تَا نِسْهَرْ وِالْمُوسِيقَى تْجِنّْ
إِنْتِي وْنِحْنَا.. وْعَايْدَه شَلْهُوبْ
**
بسمه حزينه
قدّمت بها الفنانة جوليا بطرس عام 1988.. في الحفلة التي أحيتها في السبورت سنتر ـ سيدني.
يَا مَوْطنِي.. اللِّي مْقَدّسِه جْبَالَكْ
وْكِرْمَالْ عَيْنَكْ ضَحِّت رْجَالَكْ
مَهْمَا تْجَرِّحْ صَدْرَك الآلامْ
وْتِكْرُجْ عَ خَدَّكْ دَمْعِة طْفَالَكْ
وْمَهْمَا تْفَارِقْ لَيْلَكْ الأحْلامْ
وْتِتْشَرَّدْ بْهَالْكَايْنِه عْيَالَكْ
صَعْبِه خَيَالَكْ تِمْحَشُو الأَيَّامْ
وْهِيِّي الْـ غَنِّتْ عُمرْ "بِخْيَالَكْ"
وِجْنُوبَكْ اللِّي نَدْهِتُو بِكْلامْ
وْقَالِتْ: حَبِيبِي.. قِلْت: نِيَّالَكْ
تَا تْشِعّْ "شَمْس الْحَقّ" وِالإِلْهَامْ
حِمْلِتْ بِـ إِسْم الشَّعْب مِشْعَالَكْ
وْأَعْلامْ مِنْ كلّ الدِّنِي.. وْإِعْلامْ
وِقْفِتْ بِـ سِيدْنِي تْوَسِّعْ مْجَالَكْ
وْبَسْمِه حَزِينِه بْتِمّهَا بِتْنَامْ
يَا الْـ كِنْتْ ضِحْك وْكَيْفْ رِسْمَالَكْ
"بَسْمِه حَزِينِه" فَجّرِتْ أَنْغَامْ
وَقْت اللِّي صَرْخِتْ أُوفْ مُوَّالَكْ
صَارِتْ بِبَعْضَا تْكَبِّشْ الأَعْلامْ
يَا مَوْطنِي.. تَا يْحَيّكُوا شَالَكْ
صَرْخَه جْنُوبِيِّه بْوَجِهْ حُكَّامْ
بَعْدُنْ مَا عِرْفُوا يْرَيّحُوا بَالَكْ
صَرْخَه جْنُوبِيِّه بْوَجِهْ ظُلاَّمْ
مَنْعُوا صَلِيبَكْ يِغْمُر هْلالَكْ
صَرْخَه جْنُوبِيِّه لْشَعبْ مِنْضَامْ
وْرَغْم الظُّلمْ وِالْمَوْت غَنَّالَكْ
غْنَانِي انْسَرْقِتْ مِنْ هَدِيلْ حْمَامْ
مِنْ جُولْيَا بُطْرُسْ.. حَبِيبِتْنَا
الْـ ضَوِّتْ حَيَاتَا شْمُوعْ كِرْمَالَك
**
يا جنوب
قدّمت بها الفنانة جوليا بطرس، 1988
ـ1ـ
مْنِ جْنُوبْ قِدَّسْنَا تْرَابَاتُو
وْعَ جَبْهِتُو السَّمْرَا جْرُوح حْرُوبْ
دَابِت الشَّمْس بْلَوْنْ حَبَّاتُو
وْصَارِتْ مَحَبِّه تِفِرْشُو
تْبَلْسِم جْرُوحُو.. تْوَشِوْشُو:
يَا حَبِيب قْلُوبْنَا يَا جْنُوبْ
ـ2ـ
شَمْس قَالُوا.. وْفَجرْهَا آيِه
مْعَوَّدْ عَ صَرْخِةْ "أُوفْهَا" يِنْشَقّْ
بِنْت الْجَنُوبْ الْـ صَارِت حْكَايِه
بِتْجَسِّد صْمُود الشُّعُوبْ
وْبِتْقَطِّعَا بْعَتْم الدّرُوبْ
تَا صَار إِسْمَا الْيَوْم.. شَمْس الْحَقّْ
ـ3ـ
بَسْمِه حَزِينِه.. وْقَلبْهَا مَحْزُونْ
عَ كَوْنْ عَمْ بِتْجَرّحُو الْوَيْلاتْ
عَ بْلادْ.. كلْ مَا تْغَنِّيَا بِتْكُونْ
هِيِّي السَّعَادِه لْقَلبْهَا
وْهِيِّي الرُّجُوع لْدَربْهَا
وْهِيِّي اللَّحنْ والصَّوْت والْكِلْمَاتْ
ـ4ـ
مَثّلِتْنَا.. وْمَثّلِتْ أَوْطَانْ
مَهْمَا تْغِرَّبْنَا بْعِينَيْنَا
وْفَهّمِتْهُنْ: هَـ الْوَطَنْ لُبْنَانْ
بَاقِي كْبِير بْكلّ سكّانُو
بَاقِي الْبَيْت لْكِلّ أَدْيَانُو
تَا تْضَلّ عَين الْخَالِق عْلَيْنَا
ـ5ـ
تَا قَدِّمَا.. مُشْ حَقّ يَا إِخْوَانْ
وْهِيِّي الصّوْت لْكلّ أُمّتْنَا
هِيِّي اللِّي عِرْفِتْ مَجّدِتْ أَوْطَانْ
وْبِالْوَقْت ذَاتُو فَرّحِتْنَا كْتِيرْ
وْرَجّعِتْنَا عَ الْوَطَنْ بَكِّيرْ
جُولْيَا بطْرُس.. حَبِيبِتْنَا
ألقيت عام 1989، عندما زارت الفنانة عايدة شلهوب سيدني ـ أستراليا.
لِمِّنْ بِـ شَمْس الْحَقّْ شَكُّوا غْرُوبْ
وِتْشَرّدُوا الأَحْبَابْ فَوْق دْرُوبْ
صَار الْفَرَحْ يِتْأَخَّر زْيَادِه
وِالْجُوعْ يِعْزُفْ عَ وْتَار شْعُوبْ
وْفَلاَّحْ حِمْلِ الْمَجْدْ زُوَّادِه
صَفَّى عَ خَشْبَات الْحِقدْ مَصْلُوبْ
وْإِمَّاتْ سَحْبِةْ عُمْر بِتْنَادِي
وْصَرْخَاتْهُنْ آهَاتْ عَمْ بِتْدُوبْ:
كِرْمَالْ مِينْ اسْتَشْهَدُوا وْلادِي
وِلْوَيْن بَدّْهَا تْجِرّنَا الِحْرُوبْ؟
زمْرِةْ نَهبْ.. لِلشَّرْ رِدَّادِه
شْيَاطِينْ.. مُشْ مُمْكِنْ يَا أَللَّـه تْتُوبْ
نِحْنَا اشْتَقْنَا لْجَامِع عْبَادِه
وِلْدَيْرْ.. يِحْمُوا طْفَالْنَا مْنِ ذْنُوبْ
حكَّامْ.. سَمِّتْ مَوتْنَا "شْهَادِه"!!
وْنَظْمِتْ قَصَايِدْ مَا بْتِشْفِي قْلُوبْ
اشْتَقْنَا.. يَا أَللَّـه.. لْنَارْ وِقَّادِه
تحْرُقْ زَعَامِه عْقُولْهَا بِجْيُوبْ
اشتْقَنَا نْغَنِّي بَيْت قِرَّادِي
وْدَمْع الْكَرمْ بِـ كَاسْنَا مَسْكُوبْ
اشْتَقْنَا.. اشْتَقْنَا.. آخْ يَا بْلاَدِي
نِرْجَعْ تَا نِسْهَرْ وِالْمُوسِيقَى تْجِنّْ
إِنْتِي وْنِحْنَا.. وْعَايْدَه شَلْهُوبْ
**
بسمه حزينه
قدّمت بها الفنانة جوليا بطرس عام 1988.. في الحفلة التي أحيتها في السبورت سنتر ـ سيدني.
يَا مَوْطنِي.. اللِّي مْقَدّسِه جْبَالَكْ
وْكِرْمَالْ عَيْنَكْ ضَحِّت رْجَالَكْ
مَهْمَا تْجَرِّحْ صَدْرَك الآلامْ
وْتِكْرُجْ عَ خَدَّكْ دَمْعِة طْفَالَكْ
وْمَهْمَا تْفَارِقْ لَيْلَكْ الأحْلامْ
وْتِتْشَرَّدْ بْهَالْكَايْنِه عْيَالَكْ
صَعْبِه خَيَالَكْ تِمْحَشُو الأَيَّامْ
وْهِيِّي الْـ غَنِّتْ عُمرْ "بِخْيَالَكْ"
وِجْنُوبَكْ اللِّي نَدْهِتُو بِكْلامْ
وْقَالِتْ: حَبِيبِي.. قِلْت: نِيَّالَكْ
تَا تْشِعّْ "شَمْس الْحَقّ" وِالإِلْهَامْ
حِمْلِتْ بِـ إِسْم الشَّعْب مِشْعَالَكْ
وْأَعْلامْ مِنْ كلّ الدِّنِي.. وْإِعْلامْ
وِقْفِتْ بِـ سِيدْنِي تْوَسِّعْ مْجَالَكْ
وْبَسْمِه حَزِينِه بْتِمّهَا بِتْنَامْ
يَا الْـ كِنْتْ ضِحْك وْكَيْفْ رِسْمَالَكْ
"بَسْمِه حَزِينِه" فَجّرِتْ أَنْغَامْ
وَقْت اللِّي صَرْخِتْ أُوفْ مُوَّالَكْ
صَارِتْ بِبَعْضَا تْكَبِّشْ الأَعْلامْ
يَا مَوْطنِي.. تَا يْحَيّكُوا شَالَكْ
صَرْخَه جْنُوبِيِّه بْوَجِهْ حُكَّامْ
بَعْدُنْ مَا عِرْفُوا يْرَيّحُوا بَالَكْ
صَرْخَه جْنُوبِيِّه بْوَجِهْ ظُلاَّمْ
مَنْعُوا صَلِيبَكْ يِغْمُر هْلالَكْ
صَرْخَه جْنُوبِيِّه لْشَعبْ مِنْضَامْ
وْرَغْم الظُّلمْ وِالْمَوْت غَنَّالَكْ
غْنَانِي انْسَرْقِتْ مِنْ هَدِيلْ حْمَامْ
مِنْ جُولْيَا بُطْرُسْ.. حَبِيبِتْنَا
الْـ ضَوِّتْ حَيَاتَا شْمُوعْ كِرْمَالَك
**
يا جنوب
قدّمت بها الفنانة جوليا بطرس، 1988
ـ1ـ
مْنِ جْنُوبْ قِدَّسْنَا تْرَابَاتُو
وْعَ جَبْهِتُو السَّمْرَا جْرُوح حْرُوبْ
دَابِت الشَّمْس بْلَوْنْ حَبَّاتُو
وْصَارِتْ مَحَبِّه تِفِرْشُو
تْبَلْسِم جْرُوحُو.. تْوَشِوْشُو:
يَا حَبِيب قْلُوبْنَا يَا جْنُوبْ
ـ2ـ
شَمْس قَالُوا.. وْفَجرْهَا آيِه
مْعَوَّدْ عَ صَرْخِةْ "أُوفْهَا" يِنْشَقّْ
بِنْت الْجَنُوبْ الْـ صَارِت حْكَايِه
بِتْجَسِّد صْمُود الشُّعُوبْ
وْبِتْقَطِّعَا بْعَتْم الدّرُوبْ
تَا صَار إِسْمَا الْيَوْم.. شَمْس الْحَقّْ
ـ3ـ
بَسْمِه حَزِينِه.. وْقَلبْهَا مَحْزُونْ
عَ كَوْنْ عَمْ بِتْجَرّحُو الْوَيْلاتْ
عَ بْلادْ.. كلْ مَا تْغَنِّيَا بِتْكُونْ
هِيِّي السَّعَادِه لْقَلبْهَا
وْهِيِّي الرُّجُوع لْدَربْهَا
وْهِيِّي اللَّحنْ والصَّوْت والْكِلْمَاتْ
ـ4ـ
مَثّلِتْنَا.. وْمَثّلِتْ أَوْطَانْ
مَهْمَا تْغِرَّبْنَا بْعِينَيْنَا
وْفَهّمِتْهُنْ: هَـ الْوَطَنْ لُبْنَانْ
بَاقِي كْبِير بْكلّ سكّانُو
بَاقِي الْبَيْت لْكِلّ أَدْيَانُو
تَا تْضَلّ عَين الْخَالِق عْلَيْنَا
ـ5ـ
تَا قَدِّمَا.. مُشْ حَقّ يَا إِخْوَانْ
وْهِيِّي الصّوْت لْكلّ أُمّتْنَا
هِيِّي اللِّي عِرْفِتْ مَجّدِتْ أَوْطَانْ
وْبِالْوَقْت ذَاتُو فَرّحِتْنَا كْتِيرْ
وْرَجّعِتْنَا عَ الْوَطَنْ بَكِّيرْ
جُولْيَا بطْرُس.. حَبِيبِتْنَا
**
