قدمت بها الطفلة ريما الياس عام 1991
كل ما تْغَنِّيلُنْ موَّالْ
بْتِرْكَعْ.. بِتْصَلِّي لِلرَّبّ
حِلْفِتْ بِتْلِمِّلُّنْ مالْ
بْتِتْحَفَّى وِبْتِمْشِي الدَّربْ
قْلال كْتارْ.. كْتار قْلالْ
ما هَمَّا.. الْـ بِيهِمَّا الْحُبّ
بْسَهْرِتْها اجْتَمْعِت الِعْيالْ
وِقْفُوا الْغُرْب بْجَنْب الْقُرْبْ
قَاماتُنْ صَعْبِه تِنْطالْ
شُهْب وْعَمْ بِتْشَرْقِطْ شُهبْ
يا طفْلِه رَقْصِتْلا جْبالْ
وْمِتْل الأَرْزِه عَم بِتْشِبّ
يا حلْوِه سَكْنِتْ بِالْبالْ
يا شَمْس وْشرْقِت بِالْغَربْ
دَخْلِكْ غَنِّي لْهَـ الأَطْفالْ
مِينْ غَيْرِك يا ريما الْياسْ
قَادِرْ يِحْمِلْهُنْ بِالْقَلبْ
**
